Uncategorized

豪嘆金牌中菜館。.* 君怡閣

2015年04月19日 公開 回應 0 累計瀏覽次數 1181
頂級中菜館,做的是巧手的功夫。很多時,也是因為師父可以做出精緻,繁複工序的菜式,而得以獲得弛名。 今次大老細請客,黎到尖沙咀君怡閣,就係其中一家恨食好耐的中菜館!
老細豪請,成圍的菜,睇住個菜單,都流晒口水!
當然,係大酒店食飯,擺位實擺得靚一靚!
金陵乳豬爐鮮淮山香苗 HK$1,288 等咗咁耐,終於有得食!一黎就試個重頭戲的!!
一睇隻豬仔0既Size,就知道係一個月大的乳豬仔!走去佢後面望望,圓滾滾的「豬身」塞滿咗粒米、糯米等。一推出黎,香氣四溢,流晒口水!
睇住大廚切開佢,聽到個乳豬皮切0既時候係卜卜聲!聽得出的香脆感,令人未食就十分興奮!一個月大的乳豬仔去晒骨,入面除了釀咗炒香了的粘米糯米等香苗之外,還有中間個一粒新鮮的淮山!配合了明爐即燒即上的香脆乳豬仔,外層是脆卜卜,不會很油。而且乳豬不會有很重的皮下脂方,加上嫩滑的肉質,已經夠晒惹味!配埋個飯,簡直係一絕呢!!!
白胡椒乾煏海中蝦 每客HK$40 嗱嗱嗱,同一般的「黃金蝦」比,呢款巨大得多!名副其實的特大海蝦!又係炸到脆卜卜!用上白胡椒去整,更加惹味!最神奇係,肉質仲保持到嫩滑及蝦的鮮味,大廚掌握火喉很好呢~~
招牌有機蘿蔔鮮牛骨清湯 HK$528 乜嘢係「禾旱冚珍珠」?呢道絕對係!單睇賣相,唔會覺得佢有幾特別!但食落就知道!個湯十分清!清到就見底了!而且飲落口,很順喉,清得黎卻有很濃的蘿蔔清甜及牛骨的鮮甜味。
原來係用咗八個鐘以文火燉製,每日係限量仈應架!真係手快有手慢就無嚕~~~ 飲咗呢個湯,正好清一清口嚨,清咗之前的兩款菜式。
招牌蜜汁燒叉燒 講到君怡閣的招牌,仲有呢個叉燒!燒到咁靚,就知好味~~
肥瘦適中,而且蜜汁的甜度剛剛好!微微有點焦香感,我就最鐘意揀個啲位黎食!XD
意大利醋汁黑豚肉 HK$188 呢個菜式,十分得意!中西合璧的菜式咁。用0既係黑豚肉,所以肉質上會比較嫩。如果黑醋可以更入味就更加好啦! 比較欣賞個汁,係西式煮法調出黎0既黑醋汁,不會很酸,剛剛好,而且都幾開胃下。
翡翠油泡生魚卷 HK$188 呢個餸,簡直係畫咁!砌到孔雀開屏咁0既樣,好靚!特別在用上了生魚片,包住啲新鮮的露荀!個汁可以帶到肉鮮味。
咁樣包住食,中間就會脆啲,多咗咬口同層次感呢~~
紅燒蝦籽扣柚皮 HK$148 傳統粵菜,少不了柚皮這一道。這一道,用上了很厚身的沙田柚皮。扣個汁也很到位,睇個柚皮都知了!
整到夠晒火喉,食落口唔會有渣。略嫌個蝦籽味可以再重啲就更加好。
豆乳鮮茄雜菜煲 HK$158 平時啲雜菜煲用上的是清湯,這一次這款改用上了新鮮的豆漿,加埋入魚湯中。會多了幼滑的口感以及少不了的魚鮮味。個湯很不錯呢!
醬皇燒琵琶鴨 HK$170 半隻, HK$338 全隻 嗱,個琵琶鴨睇個賣相就十分吸引。金黃色的,而且上枱時十分香呢~~ 原來用上了自家調味料腌製的。怪不得咁香了!
用明爐烤製,個鴨不會很肥,油也不會多。對女孩子來說,最好不過!
鮮茄班肉魚湯稻庭麵 HK$268 這個麵比較清,個湯底是香濃的魚湯。稻庭麵比較彈牙,感覺不錯。
麵有著彈牙的口感,加上魚湯,就是有著清淡舒服的感覺。
蛋白杏仁茶 HK$45 香滑的杏仁茶,吸收了蛋白的香滑。無任何杏仁的苦味,也不會很甜,香滑的口感,很喜歡!而杏仁的香濃,也令人回味!
金泊棗蓉糕 HK$48 睇個賣相,就比一般的棗蓉糕豪華了!新鮮蒸出黎的棗蓉糕,棗味挺濃的。但不會很甜,煙韌度剛剛好~~ 大大大滿足的一餐!勁飽呢~~
Like 我的Fans Page,可以有更多互動有趣的分享哦~~
Staice Blog 頻道: 
Blogspot  。. ゚★  WeShare.hk 。. ゚★ Beauty Life 。. ゚★ The Ztyle  。. ゚★ Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★
 
 
How to Find Staice:
Email: staice_liu@yahoo.com.hk
 
Find Staice at Instagram: