MAKE UP

韓妝 CC CREAM: ETUDE。BANILA CO。INNISFREE。NATURE REPUBLIC

2014年10月29日 公開 回應 0 累計瀏覽次數 1125
 
BB CREAM、CC CREAM、CREAM COMPACT、CUSHION COMPACT...
算是近年來韓國底妝的進化史,當然現在仍有很多人使用 BB CREAM..
而我亦覺得每個產品都設合不同人士既需求..
這次就比較一下 CC CREAM吧!!
 
 
上年到韓國時,各個品牌都出了 CC CREAM..
當時因為未用過加上價格便宜又打折,所以入手了試試...
 
 
BANILA CO CC CREAM 知名度算是頗高,評價亦不錯..
所以一直係我心水之選 NO 1一定要買既產品..
價格大約是25,000WON..
 
 
淡粉肉色 CREAM 狀,質地很好推,保濕度不錯..
用後肌膚有光澤感,可以略為均勻膚色,但遮瑕度極低..
 
4枝之中質地及保濕度最好,就算冬天用都無問題..
如果單用的話,調色、遮瑕功效都比較差,但當 BASE 用又很不錯...
 
 
ETUDE HOUSE CC CREAM 係因為用過品牌 BB CREAM覺得不錯而買...
價格平,14,000WOM仲有折,幾十蚊一枝好抵玩..
SILKY同 GLOW我都有買,呢枝係SILKY..
 
 
白色 CREAM狀,推開會由白色變膚色..
質地有點杰身,雖然我係混合性膚質,但用後卻有點乾..
夏天仲可以接受,但濕度低一點就用不了..
 
用後即時膚色有點白,但等1-2分鐘就會變得自然..
遮瑕度還可以,淺印、泛紅都可遮到,但質地是乾、厚,用完唔會想再回購..
 
 
INNISFREE CC CREAM 價格是 18,000WON..
品牌用過很多產品都冇過敏,所以都想試下佢既化妝品..
 
 
白色CREAM狀,用後會變膚色,效果自然不會泛白..
質地算水潤,亦幾好推,可均勻膚色,但沒有太多光澤感..
遮瑕度麻麻,但比 BANILA CO好一點..
 
 
NATURE REPUBLIC 純粹是因為有折才買,當時店內大部份產品都5-7折..
大約20,000WON再有折應該一百蚊到..
 
 
白色CREAM狀,上面會變膚色,很自然...
質地推開幾貼面,而且遮瑕度不錯,淺印及毛孔都遮得OK..
有光澤感但又不會好油,4枝之中整體表現最平均..
 
CC CREAM主要是用作調整膚色之用,所以都唔好期望 COVERAGE會高..
如果本身膚質不錯,只係有小瑕疵的話,單用都已經OK..
而且一般質地比 BB CREAM薄身,亦冇咁易溶^^