OTHERS

超值選: 翠亨村午市限定。$148任點任食。廣東點心

2014年09月10日 公開 回應 0 累計瀏覽次數 1107
翠亨村屬於走中高檔路線的中式食肆...
平時去飲個茶,我諗人均消費都要$200以上,小菜晚飯就更加唔止..
不過可能真係市道麻麻,連銅鑼灣分店都要搞點心放題..
星期一至四 $148連加一茶芥,由11:00AM-3:00PM..
星期五 $148但不包加一及茶芥,限食個半鐘..
當日未夠12點去到,冇BOOK位所以被安排到大枱..
反正我地有的是時間,所以慢慢點、慢慢食..
 
點心紙上既點心都唔算少,而我幾鐘意佢上枱係以人頭計..
可以一件件咁叫,人少去都可以試勻所有食物..
(上) 沙律明蝦角
現時已經唔酒樓有蝦角賣,所以一黎即點..
但好失望,因為唔熱,皮唔脆又厚,係蝦肉就幾彈牙既...
(下) 蜜汁叉燒腸粉
似係即整,腸粉好滑,厚薄整中,叉燒幾好食..
錦鹵脆雲吞
唔夠脆又冇味道,個汁都係唔好食..
(左) 蠔皇鮮竹卷
味遁唔錯,餡料足又不是滿口肥肉..
(右) 北菇蒸燒賣
一般,不過不失..
蜜味柑桔雞翼
水準之作,香口又入味,一開始是柑桔味,之後蜜味就慢慢出來..
同朋友翻叫了幾次..
煎釀虎皮椒
不太辣,魚肉份量適中,煎得香口..
爵士奶黃包
十個讚,個包熱辣辣,入面係流心奶黃..
甜度適中,勁好味...
(左) 筍尖鮮蝦餃
皮薄蝦亦彈牙,但有翻蒸之嫌,因為上枱時皮已穿..
(右) 上海小籠包
皮厚肉汁少,麻麻..
合桃露
甜品算是整個點心放題中最差..
完全唔好食..
杏仁茶
真係街邊買枝都好味過佢..
馬豆糕
實到好似大菜糕咁..
閒日去其實唔錯,銅鑼灣分店人不多,可以舒服坐足3小時同朋友吹吹水也不錯..
$148包晒加一茶芥係幾抵,服務亦都OK,但唔知優惠做到幾時^^