SKINCARE

五星級專貴SPA享受@ESPACE BEAUTE

2013年01月07日 公開 回應 0 累計瀏覽次數 1657
年底特別忙,加上天氣凍更加唔想郁動,為O左保暖又不停食食食...
終於令身體負荷不了,出現嚴重水腫同肌肉疼痛等問題..
上星期襯著有幾日大假,於是去享受O左個超正既香薰按摩療程...



位於中環、東方美企業集團旗下既ESPACE BEAUTE..



匯眾集團兩大日本著名彩妝護膚品牌KANEBORMK...
提供IMPRESS臉部療程及化妝造型指導..



極受歡迎既美甲品牌CHIC CHOC,提供專業美甲服務...



五星級酒店選用既英國皇家經典香薰品牌AROMATHERAPY ASSOCIATE..
售賣部份產品及提供身體、臉部療程..



一站式由肌膚、身體保養、以至美甲、造型等等都可以照顧得到..
帶給大家最極緻既身、心、靈平衡的體驗..



今次我係試係用上AROMATHERAPY ASSOCIATE極緻芳療身體護理($1,150/90MINS)
如果鐘意可將療程改為身體60MINS,臉部30MINS..

房間環境真係我做過無數咁多TREATMENT中最好既,地方非常大..
有沖身房間、床、梳洗櫃枱、儲物櫃、椅子等等...



今次負責既應該係泰藉治療師,值得一提既係每一位治療師既都黎自五星級酒店或知名品牌..
具有多年臨床經驗,並取得國際認可美容專業資格,提供正宗既泰式按摩及中式經絡按摩..

開始前,首先治療師會根據填好既身體/肌膚問題,從12種具不同療效既精油..
選出覺得可能合適既比我聞下,由直覺選出最鐘意既一款..

我揀O左既係RELAX為主,應該係太過緊張忙碌既生活,令我精神同肌肉都處於繃緊狀態..
所以呢款有GRAPEFRUIT、JUNIPER、ROSEMARY等香薰綜合油係最O岩..



整個按摩過程係關燈進行,所以呢幾張係我特意叫治療師比我影..

瞓O係床上,聞下選好既香薰油,由按摩腳尖開始按勻全身..
按摩係有力度,不過我覺得算係輕柔,只係按肩頸、腰背等較攰既位會有少少痛..
全程都好舒服好RELAX,加埋香薰味真係令我放鬆晒,旱有地做身體按摩我都可以瞓著..


按完真係成個醒晒,感覺肌肉無咁痛,而且水腫亦都減少O左..



換好衣物後可以O係梳化休息下,食少少野補充體力..
真係一個好正既五星級享受!!!!

平時我都喜歡做身體按摩,不過按完之後幾日都會有酸痛感,但今次係完全無呀!!
反而肌肉鬆O左,仲好好瞓添,治療師既功力係真係唔同D,而且AA既香薰真係好正^^


ESPACE BEAUTE
地址: 香港雲咸街8號亞洲太平洋中心22樓
電話: (852) 2117-0207