HAIR

動手DIY變出秋冬大熱紅髮@全新LOREAL PARIS EXCELLENCE FASHION優媚霜時尚魅力系列

2012年11月16日 公開 回應 0 累計瀏覽次數 2070
 
 
近年因為白頭髮數量增多,所以至少2-3個月就需要進行一次染髮/補色.. 光顧髮型屋當然係好,不過每次動輒數百元其實都頗貴,所以有時會選擇自己動手DIY.. 不過市面上可以有效遮蓋白髮既顏色一般都比較深,為O左顧及大家對時尚既追求.. LOREAL PARIS推出全新EXCELLENCE FASHION優媚霜時尚魅力系列..

 

P66熱情火紅色 $73/盒

每盒有4件產品+1對手套..

染前於中段至髮尾先搽上修護精華..

將染髮劑溝好,見到由白色漸漸變成橙紅色.. 首先搽上髮根已生出黑髮及白髮較多地方,之後再搽勻整個頭..

個人心得而言,頂端位置份量可用多一點,而且用尖咀吱口較集中,搽完再用手輕按.. 而瀏海、近耳邊及其他頭髮,用梳頭就比較方便,唔會咁易整到皮膚周圍.. 搽完後可用輕力摔,令顏色分佈更均勻,等約半小時就可以沖洗乾淨.. 搽上護髮素再吹乾就OK啦..

因為本身我既頭髮係啡色,唔算好淺,所以唔會染到盒上咁鮮紅既效果.. 不過頭頂原本生出既黑髮同數條明顯既白髮,染完後顏色都變得均勻一致..

而且頭髮好柔順有光澤,我亦都幾滿意個顏色.. 至於染髮既化學味道尚可接受,不過洗2-3次已經冇晒..

剪完頭髮之後個紅色就更加明顯.. 室內見到就會比較深同偏啡,不過有陽光同燈光照射下,就會見到係偏紅.. 我覺得個色都幾襯個新髮型呀!!!下次我要試埋同系列其他顏色先..

全新LOREAL PARIS EXCELLENCE FASHION優媚霜時尚魅力系列6款色調 於12月7日起於LOREAL PARIS專門店、各大萬寧、屈臣氏、莎莎、 百佳、惠康及各大藥房、零售商有售

顧客查詢熱線: 2828-1437