Uncategorized

◤份量足款式多◢ ‧【❤ Sun Thai Restaurant】

2020年06月14日 公開 回應 0 累計瀏覽次數 890
又是相約舊院友飯聚既日子=P 雖然舊院友唔嚐辣 不過對於泰越菜式都唔會太抗拒 加上天氣開始熱 食點辣辣的感覺會開胃些 今次搵到呢間網上好評不斷既新泰東南亞餐廳 走入餐廳 似覺自己走入泰國境地 泰式SPA般設計 令客人感覺放鬆 MENU上款式都不少 一般泰式熱門菜式都應有盡有 香芒牛油果軟殼蟹卷 清新口感不油膩 炸得香酥細軟既軟殼蟹香脆可口 用上薄薄又帶點煙韌既米紙包著 併上彈牙爽口既粉絲 清甜既紅蘿蔔絲 再配上帶點酸甜既香芒 以及入口即溶既牛油果 沾上附設醬汁 味道清爽又開胃 令人一口接一口停不了 巴東牛展 這種牛展還是頭一次嚐到 味道是食落類似咖哩味道 呈深咖啡色 質感是帶點濃稠 不辣又不會太鹹味道很討好 牛展質感不會太韌 帶點腍軟滑身 食落唔會鞋口 惹味開胃 馬拉盞通菜 炒通菜味道比較重帶點微辣 不過食落好有鑊氣 通菜炒得爽口唔笠身 不論是佐飯又或是單食都一樣好 非常惹味 日本南瓜焗咖哩海鮮飯 賣相實在一流 精緻討好 用上整隻南瓜 加入青口、大蝦、魚塊、魷魚... 用上特製咖哩醬 混合雞蛋一併煮 口感細滑不失香濃味美 咖哩同海鮮味道亙相融合 食落除左富有海鮮鮮味仲有啖啖咖哩既辛辣香味 份量其實都不算少 南瓜食落唔會太熟太腍 整體配合得宜 令人滿有驚喜
新泰東南亞餐廳 Sun Thai Restaurant 尖沙咀加拿分道25-31號國際商業信貸銀行大廈地下1A舖及地庫
就此,謝謝喔~ Blog link: http://natnataliecc.blogspot.com/ Email: natalie_911999@yahoo.com.hk https://www.facebook.com/natalieccdevoyages/