Uncategorized

◤新界人都可以食到越南野◢ ‧【❤ 越一牛肉粉專門店】

2019年06月13日 公開 回應 0 累計瀏覽次數 857
自從轉工後外出用午膳既日子實在寥寥可數 大概是因為無左親愛既鄰居相伴 無左同食個種樂趣 加上轉到新界地區 可以選擇的實在少之有少 天氣又開始熱 連外出既動力都幾乎沒有 不過最近有同事離職了 於是提出一起外出用膳 唔想食飯既前提下 選了呢間越一牛肉粉專門店 大概是先天位置不太有利 所以即使午飯時間 用餐人數都不算多 不用等位之餘仲有大把位比你簡=P 一直都喜歡吃越南粉類 今次是好時間 望望餐牌 選擇都不算少 午市仲有套餐可選 價錢不過不失喇 n_cc點了生牛肉牛腩片湯河 份量十足賣相不錯 芽菜辣椒青檸等會另上 牛肉片牛腩片都不算少 仲有蘿蔔 食落無渣清甜算不錯 牛腩質感軟腍 雖然入口唔算特別細滑 不過唔鞋口 牛肉片有咬口牛肉味香濃 湯底鮮甜富有牛骨味 味道濃郁 跟同事share燒豬頸肉 質感爽口有嚼勁 味道帶點炭燒氣息 其實整體感覺不錯 不過如有更好選擇的話會試其他=P
越一牛肉粉專門店 粉嶺新運路33號粉嶺中心地下148-148A號舖
就此,謝謝喔~ Blog link: http://natnataliecc.blogspot.com/ Email: natalie_911999@yahoo.com.hk https://www.facebook.com/natalieccdevoyages/