Uncategorized

◤自家製大板燒晚餐◢ ‧【❤ 道頓掘御好燒專門店】

2019年03月14日 公開 回應 0 累計瀏覽次數 861
跟親愛既鄰居keep住每月一聚 食個飯閒聊一下家常 平日我倆對食都不算講究 不過偶爾見到D特色餐廳都會心動想去試一下

呢間道頓掘御好燒專門店就係其中一間令鄰居心動既餐廳之一 我倆今次去左位於尖沙咀K11分店 不過其實沙田旺角荃灣都有分店 雖然未到6:30就到 不過都要等接近一個鐘先可以入座 建議想食想試既人士要再早一點去比較好 呢間道頓掘御好燒專門店既賣點就係可以發揮閣下既廚藝 可以自己一手一腳整個大板燒出黎 聽落好吸引嘛 我倆都係因為咁所以慕名去試試究竟

坐底睇見餐牌有二人餐 頭也不回就點左個二人餐

二人餐頗豐富 有前菜有燒肉又有大板燒又有甜品實在好完滿 兩個女生絕對夠食有餘 前菜是清新沙拉 味道清淡爽口 為增肥既一餐打一打底

除左沙拉還有煙肉、加拿大豬腩肉及雞肉 仲有牛油帶子 自己控制火喉 煎得香脆可口 不過淺嚐過就夠 套餐分別有御好燒廣島燒

御好燒又稱大阪燒 一般將低筋麵粉加入蔬菜、肉類或海鮮配料 均勻混合後放到鐵板上煎熟 最後淋上醬汁、日本蛋黃醬再撒上海苔粉及鰹魚片就可以 我地呢個有海鮮、豚肉及椰菜 用料豐富 質感較軟身 再淋上道頓堀秘製醬汁 十分惹味入口鬆化 可是整體略富油膩感 廣島燒就比較複雜 不過做好了都會有「餅」的形狀

足料加上有炒麵底 絕對是飽肚之選 未食完一個已經有點飽 套裝仲包左餐飲同雪糕 一條龍可以吃個飽飽

買單三百多四百 有得玩仲食到飽飽 算是不錯
道頓掘御好燒專門店 尖沙咀河內道18號K11購物藝術館2樓210號舖
就此,謝謝喔~ Blog link: http://nataliecc.theztyle.com Email: natalie_911999@yahoo.com.hk https://www.facebook.com/natalieccdevoyages/