Uncategorized

◤濃厚韓國口味◢ ‧【❤ 達人包車】

2019年01月08日 公開 回應 0 累計瀏覽次數 893
踏入12月係我親愛既鄰居生日月 又是時候每月一聚食個飯賀一賀佢 鄰居突然心血來潮想食韓國野 尖沙咀既韓國街就係好選擇
係眾多既韓國餐廳搵到呢間叫達人包車 7點多到舖已經有6成客人 而且絕大部分係韓國人 有種短時間去左韓國一轉既感覺 餐廳佈置有點小精緻 尤其是有不少吊飾燈飾 頗有氣氛 甫坐下店員就隨即送上配菜 不過相比其他韓國餐廳略為失色 菜單選擇也不少 傳統菜式以致特色飲料都一應俱全 照顧周到
芸芸眾多之中點了傳統紫菜包飯、蜜糖炸雞以及海鮮泡菜煎餅
泡菜煎餅份量也不小 厚身而且紮實 新鮮熱哄哄 味道倍感美味 重點是味道不是死咸重味精 而是吃得出蛋香以及泡菜既爽脆
紫菜包飯不用多介紹 絕對是去韓國餐廳必食 因為一間韓國餐廳好吃與否 只要食包飯就可略知一二 呢間既包飯算是不過不失 用料足味道剛好而且堅挺 配上沙拉醬味道又是另一層次 下次大可試試其他包飯 呢款蜜糖炸雞可算是有意外驚喜
炸得香脆鬆軟 雞肉質感鮮嫩細滑 配上清甜蜜糖 令本來熱氣爆炸既炸雞降了點溫 吃著完全感覺不到油膩感 甚至連一點甜膩感都沒有 炸雞仲配上少量薯條 質感當然比麥記好 沾著蜜糖吃更覺滋味 其實菜單上仍有不少令人心動既選擇 奈何兩個女生肚裡空間有限 不過略為覺得價格貴了點 令人有點少卻步
達人包車 尖沙咀金巴利道79-81號
就此,謝謝喔~ Blog link: http://nataliecc.theztyle.com Email: natalie_911999@yahoo.com.hk https://www.facebook.com/natalieccdevoyages/