月感月想

成就解鎖 ~ 戒片記

2020年09月09日 公開 回應 0 累計瀏覽次數 855
爸爸媽媽陪伴BB一步一步咁成長...
經歷每一個階段...成就每一個技能解鎖... 不過...唔一定一下子就做到...需要慢慢訓練...BB到左兩歲...好多父母就會好心急想BB戒片...戒片可以話係幫BB脫離幼兒期最重要一事... 唔可以急進...太急可能會引起反效果... 我自己就相信每個小朋友發展有所不同...唔可能個個一樣... 爸爸媽媽只要配合小朋友做好足夠準備... 自自然然就可以見證解鎖時刻...成功戒片... 切記大小便控制係一個自然生理發展階段... 好需要時間慢慢學習...唔係越早越好... 快冇獎架...頂多係幫你慳到片... 不過... 觀察到小朋友有以下跡象...咁就可以嘗試一下... ⚡️日頭可以保持尿片乾爽最少兩小時...或在午睡中沒有尿濕... ⚡️大便的時間變得有規律... ⚡️能夠服從簡單的指示和能用表情、動作或說話向家長表示有尿意或便急...例如紅著臉或者說「尿尿」 ⚡️對上廁所或坐便盆感興趣... ⚡️因為尿片濕左污糟左而感不安... ⭐️????未到2歲就已經識得表達自己要POO POO... 初初兩日...⭐️????係唔想坐廁所...要氹要陪坐... 坐1分鐘就話冇得痾...要出去... 我就會捉住⭐️????對手叫佢唔好心急...一陣間就成功啦... 一去廁所便便...⭐️????就會好自然咁講唔好心急... 其實...我買左一個咪露廁所套裝... 我教⭐️????捉住咪露手仔叫咪露唔好心急... 自此⭐️????一入去POO POO就會講唔好心急啦... 五日就成功習慣去廁所POO POO... 我諗住挑戰戒片...點知...日日抹地... 好明顯⭐️????係未準備好戒片... 一有POO POO...⭐️????係會叫去廁所痾...而WEE WEE就會賴落片片... ⭐️????2歲2個月適逄夏天...我開始再試戒片... 因為天熱可以着得輕便一點...除起黎會方便一點... 唔覺意賴左WEE WEE洗 PATPAT就唔怕冷親... 每1個鐘就問一問要唔要去廁所... (唔痾) (唔痾) ...跟住一陣就賴尿... 或者廁所痾左少少...一出到去幾分鐘再賴 WEE WEE... 成日問...問到⭐️????會發脾氣唔肯去廁所... 我就唯有暫停計劃...用番片片... 不過...仍然會間中問下⭐️????要唔要去廁所... 有時會成功...有時會失敗...明明話冇WEE WEE...轉頭就賴WEE WEE... 2歲4個月...⭐️????多左講我知要WEE WEE... 我就再嘗試戒片... 頭兩三日會不定時提醒⭐️????...痾尿要去廁所痾... 每隔1個鐘我就問⭐️????要唔要廁所... 隔太耐未有動靜我就捉⭐️????入廁所坐低...通常一定有得痾... 遇着玩到得意忘形就會失守...賴WEE WEE... 三日後...我就唔再出聲問...等⭐️????開口講... 短短一星期...⭐️????自自然然咁學會了去廁所... ⭐️????會好雀躍話我知要WEE WEE...自己一路行一路除褲仔咁行去廁所門口等我... 夜晚瞓覺前着左片片一樣要拉我去廁所WEE WEE... 去完廁所又會識得拎廁紙清潔一下... 每個小朋友戒片歷程唔會一式一樣...有快有慢... 爸爸媽媽要相信小朋友的能力...唔好急...陪伴小朋友告別幼兒期... 時機一到...戒就好快... 戒片過程好漫長...我覺得值得紀錄一下... 戒片用具 : ❤️廁所板 ❤️底褲仔 小朋友PATPAT細一定要用廁所板 底褲仔係要保護小朋友私密處... 我冇買小童便廁... 一來可以讓星雨知道最終要去廁所的地方... 二來慳位... 戒片小小心得 : ????父母去廁所可以同小朋友講...等小朋友知道 WEE WEE 同 POO POO要去廁所... ????每1個鐘問一問小朋友要唔要去廁所...去就去...唔去就唔好逼... ????多加提醒小朋友WEE WEE 同 POO POO 要去廁所 ????成功就要掌聲鼓勵...失敗同樣要鼓勵...期待下一次成功... ????同時要教導小朋友去完廁所就一定要洗手...從小培養衛生習慣... ????穿着稍為鬆身同較容易除既褲仔... ????唔好着夾衣...超級唔方便... 戒日片成功...等遲下就挑戰戒夜片... #戒片 #戒片記 #育兒 #育兒小分享 #親子日常 #HKBLOGGER #親子 #育兒小事 #戒片分享 #戒片TIPS #戒片心得 FACEBOOK 專頁 : https://www.facebook.com/mrmoon.renelee
INS聯絡我 ~ bbg1668@yahoo.com.hk
免責聲明 ~
產品及有關資料由該品牌提供
本文發表的每一字一語內容全屬個人意見同感受...
不代表品牌的言論同立場...
如需獲得更多資訊同協助...煩請直接聯絡品牌查詢或尋求相關專業意見...
如從而引起的任何損失或法律糾紛...本人概不負責...