Uncategorized

肌膚涼茶@Kiehl’s 金盞花爽膚水

2020年07月15日 公開 回應 0 累計瀏覽次數 903

我係Kiehls 嘅粉絲大家都知丫,近排連我女Bear Bear 都加入Kiehl's嘅鐵粉行列,早係二三月轉天氣時份,Bear Bear d濕疹發作,成日都好痕,抓到塊面好多血痕,接近爛面,訓又訓唔得好,真係心痛死,好彩我幫佢用Kiehls 嘅金盞花爽膚水,佢成分天然,不含酒精,可以即時降紅舒緩止痕,用咗個幾星期已經有明顯改善,所以就算好返晒,我都Keep住每朝幫佢用Kiehls金盞花爽膚水抹面,令Bear Bear 面仔Keep住真正BB肌,係咪好想知佢有咩神奇威力呢?即刻睇埋落去啦~

上面個張圖係我又幫Bear Bear用清左一樽喇,其實點解我會放心將我既護膚品用係一個BB身上呢,其實就係我有上網做過research,知道Kiehls 嘅金盞花爽膚水除左有效紓緩泛紅,調理淨膚、改善粉刺同幫助暗瘡疤痕癒合外,最重要係佢完全不含酒精成分, 佢基本上成樽爽膚水個底都蘊含金盞花,所以佢成樽都係金盞花既精華、所以如果肌膚比較敏感或者幼嫩既,都一樣適合用呀~ (以下係我女未用之前有既濕疹照片,除左濕疹,有時亦起敏感)    

到而家大大話話都用左幾個月喇,皮膚真係見到有好明顯既改善,至少見到佢無再R面,唔會成日覺得好痕,同埋D疹係完全退晒~  

我自己幫佢既用法係早同晚都用棉敷,我落既分量都偏多,當一個少少既MASK俾佢,幫佢抹面既同時亦都會係偏紅或有疹既位置上一耐少少~敷後會馬上感覺皮膚係得到補水同降紅。

而家我所有既Kiehls 嘅金盞花爽膚水都係歸bear bear所有,如果你地都對Kiehls 嘅金盞花爽膚水有興趣,可以去佢地facebook同以下專頁了解更多:

Kiehls facebook: https://www.facebook.com/KiehlsHongKong 金盞花植物精華爽膚水 : https://bit.ly/2DLZIKP

好喇我既分享就到呢度,希望大家鐘意啦~

以上產品由品牌提供試用