Uncategorized

倒數儀式開始@Kiehl’s

2019年10月28日 公開 回應 0 累計瀏覽次數 852

雖然而家距離聖誕節都仲有一段距離,但係我已經開始緊我既聖誕禮物LSIT同倒數。一年先得一次聖誕,我知道已經有好多品牌都開始傾巢而出咁推尸聖誕GIFT SET,但我個人真係最最最真心俾like Kiehl's既advert calender。但係個SIZE已經夠晒大,有成半個BB咁大啊~想知入面係點,快D黎睇下啦~

成個盒都幾厚下,一打開已經見到mr bone彈出黎歡迎我,今次人個咁精美既盒係由芬蘭赫爾辛基既著名插畫師Janine Rewell操刀設計,而且仲係限量版黎架。而成個盒其實係一本聖誕故事書,入面分左4個章節,主要講述 Mr. Bones為左節日而返返去Kiehl’s既發源地 — 紐約藥房既歸家旅程。由Grand Central Station 開始、溜冰之旅,唱聖誕歌以及返到Kiehl’s旗艦店作為旅程既終結。  

而所有禮物呢就係分佈係呢個故事既唔同角落喇,全部都係Kiehl's既皇牌產品,份份都係精裝版試用裝,而當中仲有一份原裝呀,係D咩,要自己去發掘下喇。  

唔,睇到呢度係咪想知有D咩呢。好啦而家就透露下1號係d咩啦~哦原來係Kiehl's既牛油果眼霜,而號碼牌後面亦都會印上每一款產品既用法添呀,非常貼心。  

而呢盒advert calender當中包括23款產品,但明明係24日架,仲有一日係咩黎架? 咪就係極具收藏價值既Mr. Bones襟章!至於係邊日,當然又係留設俾你自己去發掘啦。

講左咁耐,咁幾時有得賣呀。唔使急最緊要快,只需要買滿HK$500,就可以以HK$495 換購Kiehl’s限量版聖誕月曆乙份 (價值超過HK$1,500),每人只限換購一份架咋。而家就已經有售,立即馬上action啦~  

好喇我既分享就到呢度,希望大家鐘意啦~

以上產品由品牌提供試用