Uncategorized

肌膚都要排排毒@Kiehl’s

2019年07月01日 公開 回應 0 累計瀏覽次數 9428

呢排天氣咁熱,大家一定以為出晒汗咁就一定係排晒毒,肌膚好乾淨,咁你就大錯特錯。我地平日有化妝既習慣,汗水加埋化妝品一齊,其實係會堵塞毛孔先岩。要為肌膚深層排毒?就一定要用Kiehl's既亞瑪遜白泥毛孔深層清潔面膜,大家一齊黎睇下我既分享文啦~

其實亞瑪遜白泥毛孔深層清潔面膜唔係新PRODUCT,但今次佢請黎John Legend合作crossover推出限量版一定惹來唔少fans既青睞喇~今次佢地合作推出既限量版係想宣揚Made Better既信念,今次蓋面既貼紙係由咖啡豆包裝袋同混合左既再生廢料製作架~為環保大大出一分力~而瓶身亦有John Legend既簽名,好值得大家用後收藏架!  

記唔記得開頭個時我就話亞瑪遜白泥毛孔深層清潔面膜可以深層為肌膚排毒呢,無錯呀,佢蘊含亞瑪遜白泥,可以好溫和地咁去除多餘油脂、污垢同軟化角質,而且亦添加左燕麥粉同蘆薈,可以有效控油同時紓緩肌膚。絕對係可以有效淨肌、收細毛孔、抗油光既排毒面膜呀~  

一星期2次簡單敷10分鐘,就可以吸走阻塞毛孔既粉刺、黑頭等污糟物。我自己呢就鐘意用面膜掃上面膜,可以均勻d,而且亦都衛生D。  

本身岩岩敷既時候係好濕潤既,敷完10完分鐘之後,都只係輕輕乾左少少,同岩岩敷既時候唔會感覺乾左好多。同市面個D敷完成塊面好似龜裂左個D大有不同啊~

敷之前(左圖),我面都真係比較油,亦都覺我比較紅。敷完之後(右圖),馬上見到係成塊面白左,而且清洗完之後都唔會覺我好崩緊同乾燥,FEEL到肌膚既水份比未敷之前仲要高。  

係度俾多個小tips大家啦,我平時呢敷完亞瑪遜白泥毛孔深層清潔面膜或者皮膚比較敏感既時候呢,我會再用埋金盞花植物精華爽膚水浸濕幾塊化妝棉,做個保濕MASK黎敷。因為金盞花有收斂效果,可以均衡、活化、調理肌膚,同改善輕微既肌膚敏感現象架。

好喇我既分享就到呢度喇,希望大家鐘意啦~ 如果大家都對亞瑪遜白泥毛孔深層清潔面膜有興趣,可以去以下網址了解更多: https://bit.ly/2EMmRKQ

以上產品由品牌提供試用