飲飲食食

HEA DAY??一D都唔HEA喎!!

2014年11月26日 公開 回應 0 累計瀏覽次數 1493
銅鑼灣咁多野食選擇,
對選擇困難既Rossana來說都幾傷腦筋
因此每次朋友約食飯實係叫佢諗埋食咩XD
是日Blue Monday就跟貓佬試一下朋友最近極推介既
抵食既特色主題餐廳LITTLE VEGAS!!!!
 
說起美國拉斯維加斯第一時間會諗起Fremont Street Experience
繁華而五光十色,簡直係成人既奇幻世界
來到LITTLE VEGAS既裝潢設計色彩繽紛
每一個細節都極具心思,食都食得開懷些
 
LITTLE VEGAS星期1-5都有LUNCH SET供應
1點前埋單有15%OFF
而2:30pm後有一個餐仲有25%OFF或買一送一
你都咪話唔抵!!!
不過我們1點lunch hour來就享受唔到折扣了
 
不過是日Blue Monday是Little Vegas的HEA day
全日免收加一架!!
 
雖然話HEA day上菜會慢一些,
但點餐後5分鐘倒餐湯"意式蕃茄湯"就到
呢碗餐湯真係誠意無限分!
賣相討好,就好像一杯coffee lolllll
雖然說是餐湯但是用料十足,飲到粒粒蕃茄
雜菌芝士意式雲吞 $138
雲吞上居然有珍貴既松露
貓佬一路食一路話好味,而且份量都幾多
點餐時他覺得會唔夠架,
但食到第6隻就說:"唷...我開始覺得飽了XD"
但說完又放一隻入口,又說著好香好味 lolllll
而Rossana就點了All Day Breakfast~Classic Benedict $108
好大份呀~~有香腸,煙肉,薯餅,茄汁豆,蕃茄和2隻Benedict
Benedict雖是經典英式早餐,其實是由美國發明架
Poached egg加上荷蘭汁,蛋味濃郁,三文魚跟雞蛋出奇的夾
切開流出蛋黃,English muffin鬆軟好味
食過後實在令Rossana念念不忘,一定要再來encore XD
老實說Rossana是不吃茄汁豆的
尤其罐頭D豆淋到阿婆食咁
LITTLE VEGAS的就對胃口了
茄味濃郁豆有咬口~nice!
最後當然少不了甜品~雜果窩夫
窩夫熱烘烘又香脆,配搭鮮果和雪糕一起食...甜蜜動人!
貓佬既餐飲"骰子咖啡"呢杯真係餐飲黎架!!!!
骰子原來就是一粒粒切為方型既Jelly XD
貓佬話香滑味濃配埋jelly一起飲,添一點清新~
嘻嘻~要一讚既係waiter既服務態度超好
仲一眼關七,唔洗叫都自己斟水,
仲有warm or cold water選擇!!!
最欣賞上餐湯後,準備埋碗給Rossana Share用
真係細心又貼心都爆燈!!
除左今日他們著左便服,其他真係一D都唔HEA
又多一個飯聚好地方

歡迎加入FB 小懶貓美妝生活堡壘 (<=按我)

也可於FB / weibo 加我好友 ^0^